Siumizi kichwa kuiwaza Simba –Marcio Maximo.

Kocha wa Yanga Marcio Maximo, amewabeza wapinzania wao Simba kwa kusema haumizi kichwa kwa kufikiria pambano la Nani Mtani Jembe ambalo litapigwa Jumamosi kwenye uwanja wa taifa Dar es Salaam.
Mazimo ameiambia Goal ushindi wa bao 1-0 walioupata kwenye mchezo wa kirafiki dhidi ya The Express ya Uganda Jumamosi umewapa ari ya kujiamini na kushinda mechi hiyo japo haifikiri sana kwa sababu wapinzani wao wameonyesha mapungufu makubwa siku za karibuni.
“Tulicheza vizuri dhidi ya Express lakini kiwango kile hakikuwa kigezo au kipimo kwa ajili ya Simba siku hiyo tutakuja kivingine kabisa na ndiyo maana nasema mchezo huo ni wakawaida sana kwetu kutokana na uimara wa timu niliyokuwa nayo,”amesema Maximo.
Mshindi wa mechi ya Mtani Jembe atajinyakulia kitita cha shilingi mil. 15, na atakayefungwa ataondoka na mil. 5, nje ya uwanja Yanga ni kama imewabwaga mahasimu wao baada ya kujikusanyia zaidi ya shilingi mil. 65, kati ya mil. 80 zinazowaniwa na mashabiki kupitia ujumbe mfupi wa maneno (sms).